भिडियो हेर्न तलको बक्स भित्र क्लिक गर्नुहोस
Loading...
घटना एक हप्ता अघिको हो । गत जेठ २७ गते काठमाडौँको शेषमति पैयुँटारस्थित कोठामा उनका श्रीमान राजु खड्गी श्रेष्ठले शोभालाई जिउँदै जलाएर हत्या गर्ने प्रयास गरेका हुन् । तर, छिमेकीले थाहा पाएपछि जेनतेन शोभाको उद्दार त भयो, तर उनको स्वास्थ्य अबस्था निकै नाजुक छ । उनको पूरै शरीर पोलिएको छ ।
निहुरेर मुख धुन लाग्दा स्टोभमा रहेको मट्टितेल पछाडिबाट खन्याएर आगो लगाइदिएको र कपडा खोल्न लाग्दा समेत शरीरमा नै जलिरहेको कपडा दलेर झन् थप घाइते बनाएको उनले दैनिक नेपाललाई बताइन् । आगलागीपछि जबरजस्ती बाथरूमभित्र छिराएर च्यानल गेटमा चाबी लगाएर भागेका राजु अहिलेसम्म पनि फरार छन् ।
शोभाले हारगुहार गरेपछि मात्रै छिमेकीले थाहा पाएका थिए । प्रहरी र स्थानीयबासीको सहयोगमा उनलाई जेठ २७ गते राति नै काठमाडौं नयाबजारस्थित पिपुल्समा ल्याइएको छ । उनको उपचार जारी रहे पनि साथमा एक रुपैँया पनि नभएको उनले दैनिक नेपाललाई बताइन् ।
नुवाकोट मदानपुर, बाराही स्थायी घर राजु र खोटाङकी शोभाले केही बर्ष अघि मात्रै प्रेम विवाह गरेका थिए । तर नेवार भएर राई बिहे गरेको भन्दै राजुको परिवारले उनीहरुको प्रेम विवाहलाई अस्वीकार गरे । त्यसपछि उनीहरु काठमाडौँमै डेरा लिएर बस्दै आएका थिए ।
केहीबर्ष राम्रै सम्बन्ध भए पनि ८ बर्षदेखि उनीहरुको सम्बन्ध बिग्रिएको थियो । अर्को श्रीमती ल्याएर बाहिर बस्ने बस्ने गरेका राजु कहिलेकाँहीमात्रै शोभालाई भेट्न कोठामा आउने गरेका थिए । तीन सन्तानकी आमा शोभाको दुई छोरीलाई रक्षा नेपाल नामक संस्थाले लालन पालन गर्दै आएको छ ।
घटनालगत्तै फरार रहेका राजुलाई प्रहरीले खोजी गरिरहेको छ । तर, उनले भने फोनबाट आफूलाई धम्की दिइरहेको शोभा बताउँछिन् ।
शोभालाई सहयोग अभियान
यसैबीच, शोभाका लागि सहयोग जुटाउने हिसाबले माछापुछ्रे बैंकको पुतलीसडक शाखामा खाता खोलिएको छ । शोभाको आफ्नै नागरिकता नभएर उनको नाममा खाता खोल्न नसकिएकोले तत्कालका लागि पुजा कार्कीको नाममा माछापुछ्रे बैंकको पुतलीसडक शाखामा खाता खोलिएको हो । खाता नम्बर ५१-२३-५२४-२९५७७८-०११ रहेको छ । शोभाको उपचार र जीवन यापनका लागि सहयोग गरिदिन अधिकारकर्मी मेनुका थापाले आग्रह गरेकी छिन् ।
Loading...
No comments:
Post a Comment