नेपाल स्ट्रोमले श्रीलंकन लायन्सलाई एक विकेटले हरायो

भिडियो हेर्न तलको बक्स भित्र क्लिक गर्नुहोस

काठमाडौं, असार ९ । एसियन क्लब प्रिमियर लिग (एसीपीएल) ट्वेन्टी–२० क्रिकेट प्रतियोगितामा नेपाल स्ट्रोमले श्रीलंकन लायन्सलाई एक विकेटले हराएको छ ।

शुक्रबार कीर्तिपुरस्थित त्रिवि क्रिकेट मैदानमा भएको खेलमा टस जितेर पहिले ब्याटिङ गरेको श्रीलंकन लायन्सले निर्धारित् २० ओभरमा ८ विकेट गुमाएर १४८ रन बनाएको थियो ।

लायन्सका लागि उत्सव चन्द्रले अविजित रहँदै सर्वाधिक ४० रन बनाए । नेपाल स्ट्रोमका आशिष विष्ट, कप्तान हसिब हमजाद र गौरव बारबाडेले २/२ विकेट लिए ।

जवाफमा नेपाल स्ट्रोमले अन्तिम ओभरमा ९ विकेट गुमाएर विजयी लक्ष्य पूरा गर्‍यो । नेपाल स्ट्रोमको जितमा दिशान्त यादवले ४२ बलमा ५० रन बनाए ।

विभिन्न ६ टोली सहभागी उक्त प्रतियोगितामा नेपाल स्ट्रोम आफूले खेलेका दुबै खेलमा जित हासिल गर्दै ४ अंककासाथ शीर्ष स्थानमा छ ।

एक खेल खेलेको दुबई वारियर्स २ अंककासाथ दोस्रो र अफगानिस्तान बुल्स तेस्रो स्थानमा छ ।

यसैगरी, तीन खेल खेलेको श्रीलंकन लायन्सले दुई खेलमा हार र एक खेलमा जित हासिल गर्दै २ अंक जोडेको छ ।

लिगमा दुई खेलमा एक खेल जितेको बंगलादेश टाइगर्स पाँचौं र आफूले खेलेका दुबै खेलमा हार व्यहोरेको इन्डियन स्टारर्स अन्तिम स्थानमा छ ।

शनिबार बंगलादेश टाइगर्स र दुबई वारियर्सबीच खेल हुनेछ ।