स्पेनिस लिगको उपाधि रियाल मड्रिडलाई, ‘हिरो’ बने प्रशिक्षक जिदान

भिडियो हेर्न तलको बक्स भित्र क्लिक गर्नुहोस

आइतबार राति भएको सिजनको अन्तिम खेलमा मालागालाई २-० ले हराउँदै रियाल मड्रिडले कीर्तिमानी ३३ औं पटक लिग उपाधि जितेको हो ।

रातिको खेलमा रियाल मड्रिडलाई विजयी गराउन क्रिश्चियानो रोनाल्डो र करिम बेन्जमाले एक–एक गोल गरे ।

जितसँगै रियाल मड्रिडले पाँच वर्षपछि स्पेनिस लिगको उपधि जितेको हो । यसअघि पोर्चुगीज प्रशिक्षक जोजे मौरीन्होले सन् २०१२ मा रियाललाई च्याम्पियन बनाएका थिए ।

यसपटक पूर्व खेलाडी जिनेदिन जिदानको प्रशिक्षणमा रियाल मड्रिडले उपाधि उचालेको हो ।

यता रियाल मड्रिडको जितसँगै साविक विजेता बार्सिलोनाको लगातार तेस्रो पटक स्पेनिस च्याम्पियन बन्ने अभियान रोकिएको छ ।