ताजै छ ३९ को एउटै चिहान बनाएकाे माडी माओवादी अाक्रमण,कांग्रेस कार्यकर्ता भन्छन ‘माओवादीलाई भोट हाल्दा पीडितको आत्माले सराप्छ

भिडियो हेर्न तलको बक्स भित्र क्लिक गर्नुहोस

Loading...

अबोध बालकसहित ३९ को एउटै चिहान बनाएर माओवादीले गर–गहना र पैसा लुटेको त्यो दिन

१२ वर्ष अघिको त्यो दुखद् घटना बिर्सन खोजेर पनि मानसपटलमा आइहाल्छ । जहाँ यात्रुबाहक बसमा माओवादीले एम्बुस विस्फोट गराउँदा ३९ जनाको घटनास्थलमै मृत्यु भएको थियो । अयोध्यापुरीबाट यात्रु लिएर नारायणगढ जाँदै गरेको ना २ ख ३२४५ नम्बरको बसमा माओवादीले बम विस्फोट गराएका थिए । चितवनको माडीमा भएको त्यो कहालिलाग्दो घटना सम्झनासाथ आम मानिसको आँखा रसाउँछ । च्यापिएका, उछिट्टिएका, छिन्नभिन्न भएका शव र विक्षिप्त अनुहारमा छटपटिएका देख्नेहरु आज पनि झस्कन्छन् । कुन शव कसको हो चिन्ने अबस्था थिएन् । कसैका अनुहार काटिएका थिए, कसैका हात, त कसैका खुट्टा थिएनन्, कोही बालुवामा बजारिएर ढलिरहेका थिए । ३९ जनाले सास फेर्न छोडिसकेका थिए भने बाँकी बचाउ, बचाउ, मरे, पानी पानी भन्दै थिए । आफ्नो स्वार्थका लागि आशा लाग्दा हजारौँ युवाको हत्या गरेको माओवादीलाई मानवीय सम्बेदनाले छुने कुरै भएन । स्थानीयहरु ज्यान जोखिममै राखेर उद्धारमा खटिए भने माओवादीहरु त्यहाँ छरिएका गरगहना, पैसा बटुल्न थाले । उनीहरुको मनमा मानवता भएका भए छरपष्ट भएका गर–गहना, पैसा, सामानहरु लुट्न लाग्दैनथे । २०६२ जेठ २३ गते माडीको बाँदरमुढे खोलामा मान्छेको बधशाला बनाइँदा पनि माओवादीले गल्ती स्वीकार गरेन । अबोध बालकसहित ३९ जनाको एउटै चिहान बनाउँदा समेत गर्व गर्ने माओवादीको राष्ट्रिय तथा अन्तर्राष्ट्रिय जगतमा चर्को आलोचना भयो ।

पीडित अझै समस्यामा

बाँदरमुढे घटनाका घाइतेको स्वास्थ्य अवस्था जटिल बन्दैछ । बेहोस हुने र तर्सिने समस्याले उनीहरुलाई अझै छाडेको छैन । घटनामा परेका बालबालिकालाई पढाइमा समस्या छ । महिला–पुरुष काम गर्न नसक्ने भएका छन् । पीडा सहेर काम गर्नुपर्ने बाध्यता छ । घटना सम्झने वितिकै उनीहरुको आँशु झर्छ, एक महिनासम्म थला पर्छन् । जब माओवादीहरु ठूला कुरा गर्छन, तव बाँदरमुढे घटनालाई नजिकबाट हेर्नेहरुको मन खिन्न हुन्छ । माओवादीकै कारण धेरैको ज्यान गएको, टाउकोको हड्डी फुटेको, दाँत झरेको, खुट्टा भाँचिएको सम्झना आइहल्छ । छाती र ढाड दुख्ने तथा सास फेर्न समस्या हुने मात्र होइन, मानसिक रोगको औषधि खानुपर्ने बाध्यता पनि ।
मानवता विरोधी घटनामा पनि जोडबलले मेलमिलाप गर्न लगाउने, पीडा ढुक्कसँग राख्न नपाउने वातावरण माओवादीकै कारण बनेको पीडितको गुनासो छ । घटनाको बेला स्कूल पढ्दै गरेकाहरु पनि आजभोलि समेत बेला–बेलामा झस्किने, तर्सिने गर्छन । ठूला दुर्घटनाबारे सुन्दा पनि उनीहरूमा बढी तनाव र डराउने समस्या देखिने गरेको छ ।

कांग्रेस कार्यकर्ता भन्छन ‘माओवादीलाई भोट हाल्दा पीडितको आत्माले सराप्छ’

बाँदरमुढेसहित मानवता विरोधी कहालिलाग्दो घटना गराउने माओवादीसँग पार्टी केन्द्रले तालमेल गरेपछि चितवनका कांग्रेस नेता तथा कार्यकर्ता आक्रोशित बनेका छन् । ‘हिजो हाम्रो नेता तथा कार्यकर्तालाई मार्ने, धम्की दिने र सम्पती लुट्नेहरुसँग सहकार्य हुन सक्दैन । केन्द्रमा शेरबहादुरले तालमेल गरे हुन्छ, हामी स्थानीय तहमा माओवादीलाई स्वीकार्न सक्दैनौँ’ कांग्रेस चितवनका नेता तथा कार्यकर्ताले सामाजिक सञ्जालमार्फत नै विरोध जनाउँदै भनेका छन ।

नैतिक र उपस्थितिको हिसावले कमजोर माओवादीलाई महानगरको उम्मेदवार सुम्पेर देउवाले स्थानीय नेता तथा कार्यकर्ताको भावनामा खेलवाड गरेको उनीहरुको गुनासो छ । माओवादीलाई कुनै पनि हालतमा भोट नहाल्ने भन्दै चितवनका नेता तथा कार्यकर्ताले सभापति देउवाको पुत्ला समेत जलाएका छन् । उनीहरुले स्थानीय तहको निर्वाचनलाई बाँदरमुढे घटनासँग जोडेर समेत हेरेका छन् । केन्द्रले जवरजस्ती तालमेल गराएपनि माओवादीलाई भोट हाल्दा बाँदरमुढे घटनाका पीडितको आत्माले सराप्ने उनीहरुको बुझाइ छ । कांग्रेस नेताहरुको एउटै तर्क छ ‘बाँदरमुढे घटना मात्र होइन, चितवनमा माओवादीले कांग्रेसका स्थानीय नेता तथा कार्यकर्तामाथि ठूलो अन्याय गरेको छ । हिजो ज्यान मार्ने, धम्की दिने र सम्पती लुट्नेलाई भोट कसरी हाल्नु ?’ चितवनलाई विकासवादी नेता चाहिएको भन्दै उनीहरुले प्रचण्डको छोरी नचाहिएको बताएका छन् ।

साभार :- लाईट नेपाल

Loading...